புகை!
வெம்புகையில் இன்பம் விளையும் எனுங்கருத்தை
நம்புகையில் வீழும் நலம்!
நகைபூக்கும் வாயில் புகைபூக்கக் காணல்
தகையில்லை; வேண்டும் தடை!
காற்றுக்கும் மாசாகும் கைப்பிடித்தார் வாழ்வடைக்கும்
கூற்றுக்கும் தூதாம்வெண் கோல்!
புகையில் மனம்துய்ப்பார் போயொழிய வேறோர்
பகையில்; புகையே பகை!
சிறிதும் கரித்தூளைத் தேடற்க; தேடப்
பொறியைந்தும் பாழாம் புரி!
பற்றவைக்கும் வெண்சுருளால் பாலன்ன நெஞ்சினிலும்
புற்றுவைக்கும் வேண்டாம் புகை!
பஞ்சுண் டெனினும் பரிந்து புகைக்குங்கால்
நஞ்சுண்டு; சாவாய் நலிந்து!
வெண்குழலை நாள்தோறும் வேண்டிப் புகைத்தக்கால்
மண்குழியில் வாழ்வாய் மரித்து!
புகைப்பான் இடம்நாடிப் பூம்பழுதைக் காட்டி
நகைப்பான் எமனும் நயந்து!
கருத்துகள் இல்லை:
கருத்துரையிடுக