அஞ்சி அழுந்தம்பிக் காறுதல் சொல்லவும்
நெஞ்சில் வலியில்லை; நேற்றுவரைக் –கொஞ்சி
மடியிருத்திக் காத்து மகிழ்ந்தபெற் றோரும்
வெடிவிழச் செத்தனரே வெந்து.
நெஞ்சில் வலியில்லை; நேற்றுவரைக் –கொஞ்சி
மடியிருத்திக் காத்து மகிழ்ந்தபெற் றோரும்
வெடிவிழச் செத்தனரே வெந்து.
.
கத்தும் ஒலிகேட்கக் காசினிக்குக் காதில்லை;
பொத்தி அழவும் புரியாஇப் பிஞ்சுகளைக்
கொத்தணி குண்டின் கொடுமோசை அச்சுறுத்த
எத்தனையாய் இன்னல் இவர்க்கு! -கவிக்கூற்று-
அகரம் அமுதா
13 கருத்துக்கள்!:
சொல்ல வார்த்தை இல்லை
நன்றிகள் திகழ்மிளிர்.
இதுவும் தங்கள் திருத்தி தந்த வெண்பா
...............................
குண்டுகளின் சத்தத்தில் கேட்கவா போகிறது
வண்டுகளின் சத்தம் ? இரத்தம் வழிந்தோடும்
உத்தக் களத்தில் அமைதி திரும்புமா ?
சத்தமும் ஒய்ந்திடு மா ?
...............................
வட்டில் உணவில்லை வாடி எலும்புடன்
ஒட்டிய தோலில் உடையில்லை கத்தி
அழுமோசை காதில் விழவில்லை செத்து
விழுந்திடுதே செய்கையிலா நெஞ்சு.
ஓயும் ஒலியென் றுறுமுகிறான் சிங்களன்
பாயும் புலியென்னும் பார்வையிலான் -நாயும்
எறிகல்லாற் சீறுமெனில் ஈழத் துழுவம்
அரிக்கஞ்சி ஓய்ந்திடுமா ஆங்கு!
இறைவா ! இவர்களுக்கு ஏனிந்த இன்னல் !
உறைவிடமும் இல்லை ! உணவும் இல்லை !
கரைவது கேட்கிறதா உந்தன் செவியில்
விரைந்து வழியென்று காட்டு.
ஆயுதம் தந்து பலனடைந்த நாய்களால்
தாயிழந்து தந்தையின்றி போயின சேய்களிங்கே
மண்ணில் இதயமற்ற இந்தியப் பேய்களால்
கண்ணீர்க் கதையான திங்கு.
வழியொன்று காட்ட வருவான் இறையென்று
தொழுதொன்றிக் கேட்டால் துயர்போமோ? -அழுகின்ற
பிள்ளக் காறுதல் சொல்லும் வகைகாணேன்
உள்ளம் துடிக்கிறதே ஓர்ந்து.
இழுதைபோல் வந்தெம் இனத்தை அழிக்கும்
கழுதைகள் ஆர்த்துக் களிக்கக் -கழுத்தில்
கயிரிலா மூளியும் சிங்களரும் சேர்ந்தே
பழிதீர்த்தார் நம்மைப் பரிது!
பரிது -பெரிது.
////வட்டில் உணவில்லை வாடி எலும்புடன்
ஒட்டிய தோலில் உடையில்லை கத்தி
அழுமோசை காதில் விழவில்லை செத்து
விழுந்திடுதே செய்கையிலா நெஞ்சு.////
அருமை உமா அவர்களே! வாழ்த்த சொற்கள் இல்லை. மிக அழகாகப் பதிவு செய்துள்ளீர்கள்.
////வட்டில் உணவில்லை வாடி எலும்புடன்
ஒட்டிய தோலில் உடையில்லை கத்தி
அழுமோசை காதில் விழவில்லை செத்து
விழுந்திடுதே செய்கையிலா நெஞ்சு.////
கத்தும் ஒலிகேட்கக் காசினிக்குக் காதில்லை;
பொத்தி அழவும் புரியாஇப் பிஞ்சுகளைக்
கொத்தணி குண்டின் கொடுமோசை அச்சுறுத்த
எத்தனையாய் இன்னல் இவர்க்கு!
உங்கள் வாழ்த்துகளைப் பெற்றதில் மகிழ்ச்சி.
இன்னல் அகன்று இனிதாய் இவர்வாழ
மின்மினிகள் கைக்கோர்த்து கண்ணோ[டு] விளையாட
கற்று உயர்ந்திவர் காதலித்த றம்நாட
கற்பனைச் செய்திடுதே நெஞ்சு.
நடக்க வேண்டும் நம்பிக்கைக் கொள்வோம்.
வாழ்த்துகள். உமா அவர்களே!
கருத்துரையிடுக