ரோபோ வெண்பா!
ரோபோ கூற்று!
எல்லாரும் வேலையை என்தலையில் கட்டிவிட்டு
ஜில்பீர் அடிக்கவா செல்கின்றீர்? – தில்லிருந்தால்
மொத்தமாய் வாங்கடா! மோதப் பயந்தவன்லாம்
சத்தமாய் வைங்க சலாம்! 01
வெட்டிக் கதைபேசி வேலையைப் பார்க்காமல்
தட்டிக் கழித்துத் தமாஷ்காட்டிக் – குட்டி’ரோ
போ’வெனக்குக் கோபத்தைப் பொங்கியெழச் செய்பவங்க
சாவெனக்கு வாய்த்தநல்ல சான்ஸ்! 02
குத்தில் புரூஸ்லீ; குழப்புவதில்
ஜாக்கிஜான்;
மத்தாள் செவிகடிக்கும் மைக்டைசன்; – மொத்தத்தில்
நானோர் முகமதலி; நாக்அவுட் செய்யு(ம்)புலி;
வானோரும் மெச்சுவர்என் மாஸ்! 03
கோதாவில் நானிறங்கிக் குத்துவிட்டால் கக்கிடுவீர்
மாதாமுன் தந்த மடிப்பாலைப் – பாதாதி
கேசம் பயம்காட்டும் கேசவன்நான், என்னிடத்தில்
பேசப் பயப்படுமே பேய்! 04
வம்புக்கு யாரும் வரரெடியா? பஞ்ச்சுகளை
ஜம்பமாய்த் தாரேன் சரவெடியாய்க் – கும்பலாய்க்
கட்டமெனைக் கட்டிக் கதைமுடிக்கப் பார்க்கிறவன்
கொட்டம் அடக்குகிறேன்; கூல்! 05
குங்ஃபூ தெரிஞ்சவன் குஸ்தி அறிஞ்சவன்
ஜங்ஃபுட் பசங்களெல்லாம் ஜாக்கிரதை; - எங்கஊர்
கொத்தூஸைப் பார்த்தவன்; குண்டாஸும் பார்த்தவன்;
பொத்துனாப் போலொதுங்கிப் போ! 06
டீபிரேக் லஞ்ச்பிரேக் டெய்லி எனக்குண்டா?
ஹாபியாய் வேறெதையும் கண்டதுண்டா? – லாபிசெய்து
ஆபீஸில் என்னை அடிமையாய் வைத்துள்ளீர்
ரேபீஸி னும்கொடியோ ரே! 07
ஓங்கி ஒருகுத்து விட்டேன்னா விட்டஇடம்
வீங்கும்; எலும்பு விரிச(ல்)விடும்; - ஆங்குமது
கண்முன் மினுக்கட்டான் பூச்சி சிறகடித்த
வண்ணம் பறக்குமடா வந்து! 08
ஆயிரம் தண்டால் அசரா தெடுப்பேன்ஈ
ராயிரம் சிட்அப்ஸ் அடிப்பேன்நா - லாயிரம்
பஞ்ச்களைச் செய்வேன் பலநூறு கிக்குகளால்
அஞ்சாமல் செய்வேன் அசால்ட்! 09
போ!போ!ன்னு சொல்லிப் பொடனியில் தட்டுறதும்
சீ!போ!ன்னு சொல்லிஎனைத் திட்டுறதும் – ரோபோன்னு
எள்ளிச் சிரிக்கிறதும் ஏசி ரசிக்கிறதும்
எள்ளளவும் கூடா தினி! 10
கருத்துகள் இல்லை:
கருத்துரையிடுக