(இஞ்ஞாயிறு...இப்படி...?
விசு. இம்மானுவேல்
கறிமீனே நீயெங்கே? காணோமே இன்று
பொறிஐந்தும் ஏக்கத்தைப் பூணச் - செறிவில்லாப்
பையுள்ளே காற்றுண்டு பக்கத்தில்
யாருண்டு?
வாயுண்டு வாய்ப்பு வறண்டு...!!
அகரம் அமுதன்
வாங்கமக்கா இங்கே வகையான
பார்ட்டியுண்டு
ஏங்கவைக்கா தெல்லாம் எடுத்தளிப்பேன் -
நீங்கமக்கா
ஆளாவந் தாப்போதும் ஆவதநான்
பாத்துப்பேன்
மீளாதிவ் வாய்ப்பினி மேல்!
விசு. இம்மானுவேல்
ஒய்யார பாட்டிலும் ஒத்தாச ஆம்லெட்டும்
பொய்யா விருந்தாச்சே பொன்னாச்சே – அய்யா
விரைவாய்நான் ஓடிவர வீசுபுயற் காற்றா?
திரைபோட்டேன் ஆசையைத் தின்று!
அகரம் அமுதன்
ஒத்தை யிலக்குடிச்சா ஒட்டாதே இன்னுதான்
செத்தவந்து போங்கன்னு சேவித்தேன்; - மத்தபடி
அய்யாவக் கூப்பிட்(டு) அலையவிட ஆசையில்ல;
கைகோர்ப்போம் நாளை;இன்று கா!
விசு. இம்மானுவேல்
பழமாகும் காய்விட்டால்; பாவலரே நாளை
அழகாகும் சந்திப்பால் அன்று – வழக்காடித்
தீர்ப்போமே பீருடன் தித்திக்கத்
தித்திக்க
வார்ப்போமே வெண்பா வடித்து!
கருத்துகள் இல்லை:
கருத்துரையிடுக