கட்டுமரக் கூற்று!

 

கியூட்டாகச் சிரிக்கும் பில்கேட்ஸ்,

கிறங்கடிக் கின்ற ஜன்ஸ்டின்,

நியூட்டனொடு ஓருசந் திப்பை

நிகழ்த்திநான் டைட்டில் பார்க்கை

பியூட்டியாய்த் தமிழ கத்தில்

பெரிதாகத் திறத்தல் ஒன்றே

டியூட்டியாய்ச் செய்ய வேண்டி

டீலிங்கை அன்றே போட்டேன்!

 

ஈர்ப்புவிசை பற்றி நியூட்டன்

எடுத்துரைத்த தாரால்? ஐன்ஸ்டின்

பார்நடுங்கும் அணுவின் குண்டைப்

பண்ணியது யாரால்? பில்கேட்ஸ்

நேர்வந்து மைக்ரோ சாஃப்டை

நிறுவியது யாரால்? என்றன்

கூர்மதியில் விளைந்த தைநான்

கூறியதால் விளந்த தன்றோ!?

 

நானின்றி அணுவும் இங்கே

நகராது; கண்ண சைத்தால்

வானின்று மழையும் கூட

வாராது; கைய சைத்தால்

தீனியை ஆவும் கன்றும்

தின்னாது; பூமிப் பந்தின்

ஆணிவேர் நானே அஃதை

அறிந்தவன் உடன்பி றப்பே!