வருத்தப் படாதீங்க; வாட்டமுறா தீங்க;

திருவிழியில் நீர்கசியா தீங்க; – ஒருவழியாய்

ஓய்வு கிடைத்ததென்றே ஓரம்உட் காருங்க

சாய்வுநாற் காலியில் சாய்ந்து! 01

 

நிம்மதியாய் ரெஸ்ட்எடுங்க; நெட்பிளிக்ஸ் பாருங்க;

அம்மணி யோடளவ ளாவுங்க; – கம்மென்று

பேப்பர் படிங்க; பெருசுகளோ டும்கதைங்க

தோப்பிளநீர் வாங்கிச் சுவைத்து! 02

 

காலை டிபன்முடிங்க; காஃபிசூ டாய்க்குடிங்க;

மாலையில் டின்ன(ர்)மற வாதீங்க; – வேலையற்றுப்

போன விசனத்தில் புத்திபிற ழாதீங்க

ஆனமட்டும் பொங்கி அழுது! 03

 

கேரம்போர் டாடுங்க; ஹேப்பியாய்ப் பாடுங்க;

நேரத்தில் தூங்கி நிதமெழுங்க; – வாரமெல்லாம்

சன்டிவி பாருங்க; சாங்குகள் கேளுங்க

முன்வினைமேல் பார முரைத்து! 04

 

அஞ்சரைக் குள்ளவண்டி அந்நாளில் பார்த்ததெல்லாம்

நெஞ்சத்தின் ஓரம் நினைவிருந்தும் – கஞ்சனின்

கைப்பொருளாய்த் தேகம் கலவிக் குதவாது

பொய்ப்பொருள்தான் சொந்தமெய்இப் போது! 05

 

கொஞ்சமா ஆடுனிங்க? கோபத்தில் சாடுனிங்க?

பஞ்சமா பாதகம் பண்ணினிங்க; – நெஞ்சம்

அறியா லயத்தில் அறிவா லயத்தில்

சிறிய செயல்நூறும் செய்து! 06

 

சிங்கிளாய் நின்று ஜெயித்தஜோ சப்விஜய்க்கு

அங்கிள்!சொல் லுங்க அகவாழ்த்து; – செங்கதிரை

ஊதி விசிலணைத்த உண்மை உணருங்கால்

பேதிவரக் கூடும் பெரிது! 07

 

வாயில் இனிமேல் வடைசுடா தீங்க;அந்த

நோயினால் தானே நொடிஞ்சீங்க; - கோயில்போய்ச்

சாமிபா ருங்க; சரணா கதியடைங்க

மாமிபார்க் காதீங்க மாம்ஸ்! 08

 

நேற்றை நினைந்து நினைந்துருகி ஏற்பட்ட

மாற்றம் பொறுக்கா மனமுடையும்; – தோற்றால்

விபரீத மானபல வெண்ணங்கள் தோன்றும்;

சபரீசா! மாமனார் தாங்கு! 09

 

வெள்ளியில் பீரோ, வெரைட்டி புடவைகளை

உள்ளிட வாங்கிய உத்தமியே! – தள்ளிப்

படுக்காதே இன்றுனது ‘பாவா’வைத் தூக்கிக்

கொடுக்காதே தூக்குத்தாம் புக்கு! 010

 

தம்பி உதயநிதி! தந்தை மனமுடைந்து

வெம்பிப்போய் உள்ளார் விசனத்தில்; – கம்பி நீ

நீட்டிச் சரக்கடிக்க நீலாங் கரைஏகாய்;

வாட்டத்தைப் போக்கியுற வாடு! 11

 

சிட்டிங்சீ யெம்மை, திராவிட ஐகானை,

தட்டித்தூக் கிற்றே தவெக‍;இக் – கட்டில்

கொணர்ந்து நிறுத்தியதே கோட்டையைப் பற்றிக்

கணக்கைநேர் செய்திக் கணம்! 12

 

பர்செகண்டுக் கோர்தடவை பந்தா விளம்பரம்,பாழ்;

ஒர்க்அவுட் ஆகவில்லை ஓசிபஸ்; – தற்குறிகள்

என்றிகழ்ந்த ஏச்சுக்கள் எல்லாம் பொடியாச்சு

நின்றுவிசில் வென்றதனால் நேற்று! 13