புதன், 5 பிப்ரவரி, 2025

 தற்பொழுது காவேரி மருத்துவ மனையிலிருந்து உடல்நலம் தேறிய நிலையில் மு.கருணாநிதி வீடு திரும்புகிறார். - செய்தி -

(சில நாட்கள் முன்பு இதேபோல் வீடு திரும்பிய போது வெண்பா எழுதி இருந்தேன்)
- அவ்வெண்பாவின் ஈற்றடியில் ஒரு 'ம்' மட்டும் சேர்த்து இப்போதைய நிலைக்கும் பொருந்துமாறு இங்கு வழங்குகிறேன் -
7/12/2016 ; 9.00pm.
.
கரையொதுங்கு வாயென்றே கண்டிருந்தார்; நீயோ
கரையேறி வந்த கவினை – உரைப்பதெனில்
'அப்போலோ' செல்லாமல் 'காவேரி' சென்றதனால்
இப்போது'ம்' மீண்டாய் இனிது!
படத்தைப் பற்றிய குறிப்பு இல்லை.
எல்லா உணர்ச்சிகளும்:
Siva Raman Sreeramsiva மற்றும் 3 பேர்

இடுகையாளர் நேரம் கருத்துகள் இல்லை:

 தலைவி கூற்று:-

இருவிழியால் நாற்குணங்கள் ஈர்ந்தாய்; இதழால்
தருசுவைகள் ஆறினையும் தந்தேன்; - திருமிக்க
எட்டடுக்கு மேனி எழில்வியந்து பத்துமுறை
கட்டில்மேல் இட்டோம் கணக்கு!
இடுகையாளர் நேரம் கருத்துகள் இல்லை:

 புகை!

நகைக்கிடங் கான நறுவாய் நகைபோய்ப்
புகைக்கிடங் காதல் புதிர்!
வெம்புகையில் இன்பம் விளையும் எனுங்கருத்தை
நம்புகையில் வீழும் நலம்!
நகைபூக்கும் வாயில் புகைபூக்கக் காணல்
தகையில்லை; வேண்டும் தடை!
காற்றுக்கும் மாசாகும் கைப்பிடித்தார் வாழ்வடைக்கும்
கூற்றுக்கும் தூதாம்வெண் கோல்!
புகையில் மனம்துய்ப்பார் போயொழிய வேறோர்
பகையில்; புகையே பகை!
சிறிதும் கரித்தூளைத் தேடற்க; தேடப்
பொறியைந்தும் பாழாம் புரி!
பற்றவைக்கும் வெண்சுருளால் பாலன்ன நெஞ்சினிலும்
புற்றுவைக்கும் வேண்டாம் புகை!
பஞ்சுண் டெனினும் பரிந்து புகைக்குங்கால்
நஞ்சுண்டு; சாவாய் நலிந்து!
வெண்குழலை நாள்தோறும் வேண்டிப் புகைத்தக்கால்
மண்குழியில் வாழ்வாய் மரித்து!
புகைப்பான் இடம்நாடிப் பூம்பழுதைக் காட்டி
நகைப்பான் எமனும் நயந்து!
இடுகையாளர் நேரம் கருத்துகள் இல்லை:

 கலி மண்டிலம்!

( விளம் + மா + விளம் + மா)
ஓம்புக மனத்தை ஓம்புக உடலை
ஓம்புக அறிவை ஓம்புவ தாலே
தீம்புகள் அணுகா! திருவதே தொடரும்
நாம்நலம் பெற்றால் நலம்பெறும் நாடே!
இடுகையாளர் நேரம் கருத்துகள் இல்லை:

 கலி மண்டிலம்!

( விளம் + மா + விளம் + மா )
ஐயிரு திங்கள் அறுசுவை தவிர்த்துப்
பையுதை மகவால் மெய்வலி பொறுத்துப்
பையந டந்து பெற்றதன் மகவைக்
கையினில் ஏந்திக் களித்திருப் பாளே!
இடுகையாளர் நேரம் கருத்துகள் இல்லை:

 புட்டிப்பால் ஆகும் பிறமொழிகள்; பூந்தமிழே

முட்டிப்பால் உண்ணும் முலை!
இடுகையாளர் நேரம் கருத்துகள் இல்லை:

 பாழ்செய்யும் அந்தப் பருவரல் நீக்கிட

ஆழ்ந்தூடித் தேடி அழிக்கும் அருமருந்தைத்
தேக்கிக் கணினியைத் தெம்பூட்ட இன்றேநீ
ஆக்கப் பணிசெய்வாய் ஆங்கு!
.
(தன் கணிப்பொறியில் வைரஸ் பரவி விட்டதாக நண்பர் என்னிடம் உரைத்தபோது எழுதிய வெண்பா)
.
பருவரல் -துன்பம் (இங்கு இச்சொல் வைரஸைக் குறித்து நிற்கிறது)
அருமருந்து -வைரஸை நீக்கும் ஆண்டி வைரஸைக் குறிக்கிறது.
எல்லா உணர்ச்சிகளும்:
1

இடுகையாளர் நேரம் கருத்துகள் இல்லை:

 அடியும் முடியும்!

இல்வாழ்க்கைக் கில்லாள் இசையாவாள்; இல்லாளற்(று)
இல்வாழ்வார்க் கில்வாழ்க்கை இல்!
மலரெனும் மேனி வயலைநான் மேய
மலர்ந்தனள் வாடா மலர்!
பிடியாய் முனையைப் பிடிப்பரோ? வாளின்
பிடியாம் தமிழைப் பிடி!
தாய்க்குப் பிறத்தல் தரணிவழக் காம்நூலே
சேய்க்குப் பிறக்கும்நற் றாய்!
முடியும்; முயன்றால் முடியும்; முயன்றே
முடியோ டடியை முடி!
இடுகையாளர் நேரம் கருத்துகள் இல்லை:

 ஆயிரம் உரூபாய்...

தோற்றம்:- நவம்பர் 2000
மறைவு:- நவம்பர் 8 -2016
வயதோ பதினாறு; மையலெழும் தோற்றம்;
இயலோ எனில்இயல் ஈர்தல்; -அயகோ!
உயக்கம் அளித்தும் உறவை முறித்தும்
இயக்கம் நிறுத்திற்(று) இறந்து!
சொற்பொருள்:-
இயல் - தன்மை, குணம்.
ஈர்தல் - அறுத்தல்.
உயக்கம் - வருத்தம்.
படத்தைப் பற்றிய குறிப்பு இல்லை.
விருப்பம்
கருத்திடுக
அனுப்புக
பகிர்க
இடுகையாளர் நேரம் கருத்துகள் இல்லை:

 டிசம்பர் 1 ம் நாள் நடுவன் அரசு பொன் உச்ச வரம்பை அறிவித்த போது....

தனக்குநேர் இல்லாத தங்கமே! பாராய்!
உனக்குமோர் எல்லை உரைத்தார்; - கனக்கவே
அள்ளி அணிந்த பெருஞ்செல்வர் பெண்டெல்லாம்
உள்ளம் பதைத்தார் உலைந்து!
கோழி விரட்டக் குழையெறிந்த அந்நாளை
'வாழி' எனநான் வழுத்துவேன்; - ஊழி*யில்
பொன்னே பெரிதெனப் போற்றினார் மீதிறங்கிற்(று)
என்னே பெரிய இடி!
ஊழி - பூமி.
படத்தைப் பற்றிய குறிப்பு இல்லை.
எல்லா உணர்ச்சிகளும்:
Siva Raman Sreeramsiva மற்றும் 2 பேர்

இடுகையாளர் நேரம் கருத்துகள் இல்லை:

 கனியா? கமழ்மலரா? கச்சைக்குள் என்ன?

முனியாது சொல்லன்பே முன்வந்(து) - இனிதுநான்
தொட்டுப் பறித்துச் சுவைக்கவா? சூடவா?
கட்டுச் சரக்கவிழ்த்துக் காட்டு!
படத்தைப் பற்றிய குறிப்பு இல்லை.
எல்லா உணர்ச்சிகளும்:
Siva Raman Sreeramsiva மற்றும் 3 பேர்

இடுகையாளர் நேரம் கருத்துகள் இல்லை:
இதற்கு குழுசேர்: இடுகைகள் (Atom)