பின்னால் தடவும் பிரசிடெண்ட்! அங்கிருக்க
உன்னாலா காதா ஒழுங்காகச் – சின்னக்
குழந்தையென் றாலும் குமரியென் றாலும்
கிழவியென் றாலுமா கிக்கு!
சந்தைப்பார்த் தாலும் தடிக்குமா? பூமரப்
பொந்தைப்பார்த் தாலும் புடைக்குமா? – அந்திவிரி
மெத்தைபார்த் தாலும் விடைக்குமா? மன்னனெனும்
கெத்தைப்பார்க் காதுமனம் கெட்டு!?
தடவுவ தாலா தடக்கை? அட!நீ
தொடருவ தேன்உன் துடுக்கை? – படரும்
இடக்கை இயற்றும் இடக்கை மடக்கை
அடக்காய்! அவள்தா டகை!
முன்பக்கம் பார்க்க முடியாமல் தானோநீ
பின்பக்க மாகப் பிசைகிறாய்? – மென்குடங்கள்
ரெண்டுடைய தம்புரா Rentடிற்கு வந்ததா?
சுண்டி இழுத்ததா சொல்!
கிண்டிக் குதிரையவள்; கீழ்ப்பாக்கப்
பைத்தியம்நீ;
கிண்டி விரலால் கிளறுவதேன்? – முண்டிப்போய்ச்
சண்டித் தனம்பண்ணும் ஜல்சா கிழமுனக்குக்
குண்டிக்கு மேலா குறி!?
வாய்த்தவய துக்கும் வகிக்கும் பதவிக்கும்
காய்த்த அனுபவ காரணிக்கும் – செய்கின்ற
நற்செயலா இஃது? நரைகிழமே! நாணமுறும்
அற்செயல் தானென் றறி!
பட்டெக்ஸ்சில் தட்டிப் பரிவுடனே வாழ்த்துவதை
இட்டெக்ஸ்டில் ஏசுவதாய் எண்ணாதே; – கொட்டை
எழுத்திலே ஹெட்லைன் எவருமிதைப் பற்றி
எழுதிடக் கூடாதே என்று! 07
போட்டோ பிடித்துநெட்டில் போடும் அளவிற்கா
நேட்டோ தலைவ!விரல் நீட்டுவாய்? – வீட்டோ
பயன்படுத்தி இந்தப் படத்தை அகற்றப்
பயமுறுத்திக் காட்டுன் பவர்!
கருத்துகள் இல்லை:
கருத்துரையிடுக