இம்மாம் செலவுசெய்து ஈரானைத் தாக்குவதால்

கும்மி எடுத்துக் குமுறுவதால் - ட்ரம்பார்

சொ(ல்)லிக்கொள் வதற்கொன்றும் தோன்றவில்லை அம்மஞ்

ச(ல்)லிக்குப் பிரயோ சனம்!

 

 

அடுப்பிலே பொங்கி அனலிலே தங்கி

கடுப்பிலே நெஞ்சம் கலங்கி – இடுப்பிலே

பிள்ளையோ தண்ணீர்ப் பெருங்குடமோ ஏந்தாத

வள்ளிக் கொடிகட்கென் வாழ்த்து!

 

ட்ரம்ப் மைண்ட் வாய்ஸ்-

 

நாயாய்க் குரைத்தும் நரியாக ஊளையிட்டும்

பேயாக மாறிப் பெனாத்தியும் - வாயால்

வடைசுட்டும் பார்த்தாச்சு வக்காளி மோடி

தொடைதட்டு கின்றான் துணிந்து!

 

இனியடுத்த போரை இவன்மேல் தொடுக்க

துணிந்துநான் வந்திவனைத் தொட்டால் - அணுகுண்டால்

ஆப்படிப் பானென்ற அச்சம் வலுக்கிறது;

மாப்பிளை யோடெதற்கு வம்பு!?

ஜெப வெண்பா!

 ஜெப வெண்பா!

 

கத்தரே! உம்பேர் கதைக்கின்ற நாமணக்கும்

அத்தரே! நற்பரி சுத்தரே! – இத்தரையை

ஆனானப் பட்ட அமெரிக்கா ஆள‍அருள்

வானாதி தேவா! வழங்கு! 01

 

ஏசப்பா! நீங்கள் இரட்சித்தால் வெல்வது

லேசப்பா; ட்ரம்ப்ஒரு லூசப்பா; - மோசமாய்ப்

போகிறது போரப்பா! போர்மடியும் வீரரைக்காப்

பாத்தவழி பாரும்அப் பா! 02

 

குண்டுகளைப் போட்டுக் குழந்தைகளைக் கொன்றாலும்

கண்டுகொள்ளா முல்லாக்கள் கைகலப்பால் – நொண்டிநொண்டிப்

பின்னங்கால் தங்கள் பிடறிபட நம்மறவர்

பின்வாங்கு கின்றார் பிதா! 03

 

பரலோகம் வாழும் பரம பிதாவே!

கரவாமல் காட்டும் கருணை; – விரைந்து

செமையாக வைத்துநாம் செய்யத்தான் வேண்டும்

அமைதிமார்க் கத்தை அசால்ட்! 04

 

உங்களை எண்ணியே உள்ளம் உருகினோம்

எங்களைக் காக்க எழுமையா! - தங்கள்

கரிசனம் வேண்டியே கைதொழு கின்றோம்

பரிசுத்த ஆவியே பார்! 05

 

அல்லாவும் முல்லாவும் ஆட்டிப் படைத்தாலும்

தில்லாகப் போரிடவோம் ஜீசஸே! – கல்லாநாம்

கட்ட வளைகுடா கண்டிப்பாய் வேண்டுமையா!

நட்டத்தில் போகுதுநம் நாடு! 06

 

வெனிசுலா போலில்லை; வீரமுடன் ஈரான்

முனிந்துகுத்து கின்றதே முள்ளாய்; – தனிமனிதன்

போர்வெறியென் றாலும்நம் போரலவோ ஆண்டவரே!

தீர்க்கமுடன் வெற்றிபெறச் செய்! 07

 

வெம்படை என்று வியந்து வியந்துலகம்

பம்மிடச் செய்த படியாலே - நம்படை

சர்ப்பமாய்ச் சீறிச் சமரிலே வெல்ல‍ஏன்

கர்த்தாநீ ரட்சிக் கலை!? 08

 

தோத்திரம் ஆண்டவரே! சோதனை வெற்றிகொளக்

காத்திர மாகநீர் கைகொடுப்பீர்; - சூத்திரம்போல்

எங்கள் தளங்களெலாம் ஏவுகணை பொத்தல்கள்;

மங்காமல் காப்பீரெம் மாண்பு! 09

 

ஆட்டிடையன் கந்தல் அழுக்குடையன் தண்ணீரை

ஊட்ட மதுவாக்கி ஊட்டியவன் – வாட்டமுற்ற

ஊர்சனத்தின் பாவங்கள் ஓட்டும் இறைதூதன்

ஜீசஸ்க்குச் செய்தோம் ஜெபம்! 10

 

ஏசு பிரான் – (தன்மனத்தெண்ணுதல்)

 

என்கால்கை ஆணியையே என்னால் பிடுங்கிட

அன்றுமுதல் இன்றளவும் ஆகவில்லை; – இன்றுநான்

போர்வெல்ல ஆசி புரியனுமாம்; போர்நல்ல

தீர்வல்ல; தோற்கட்டும் சென்று! 11

 

கள்ளிப்பால் தந்து கதையை முடிக்காமல்

அள்ளிப்பால் தந்த,ட்ரம்ப் அன்னையால் – விள்ளநாக்

கூசும் படியாக‍க் கொஞ்சமா ஊர்படுது

லூசுப் பயலாலே லோல்!? 12

 

 

 

 

கல்லெறிந்தால் சேர்த்துக்

கடவுள் சிலைசெய்வேன்;

சொல்லெறிந்தால் பாடல்

தொடுத்திடுவேன்; - கல்சொல்லை

விட்டால் அவற்றை

விடவும் பெரிதுண்டா

விட்டெறிய உன்னிடத்தில்

வேறு?

மோடி vs ட்ரம்ப்!

 

மோடி -

 

மேதகு ட்ரம்பார்க்கு! மெத்த நமஸ்காரம்;

வேதனையொன் றுண்டு விளம்பக்கேள்! – சோதனையாய்க்

கையிருப்புப் பெட்ரோல் கரைகிறது; மாற்றுவழி

பையிருப்பின் மன்னா! பகர்! 01

 

ட்ரம்ப் -

 

போரினிலே நானிருக்கும் போதினிலே உன்னிருகண்

நீரினிலே நீந்துவதை நிப்பாட்டு; – பாரினிலே

நின்போல் எனைக்கேட்டு நித்தம் பணிசெய்வார்க்(கு)

ஒன்றென்றால் என்னுதவி உண்டு! 02

 

மோடி -

 

அக்கத்தில் ரஷ்யா அகழ்ந்தெடுத்த கச்சாவைப்

க‍க்கத்தில் வைத்தபடி காத்துளது; – இக்கணமென்

நாட்டினது தேவைக்காய் நான்வாங்க உத்தரவு

கேட்டேன்; இடுவீர்தாக் கீது! 03

 

ட்ரம்ப் -

 

முப்பதுநாள் மட்டும் முறையான உத்தரவை

இப்பொழுது நானும் இடுகின்றேன்; – துப்புரவாய்

அப்புறம் வாங்க அனுமதி இல்லைநீ

குப்புறவீழ் தாலும் குளிர்ந்து! 04

 

மோடி –

 

வேட்ட வரம்தந்த வேந்தே! எனதரசின்

நாட்கள்உன் னாலே நகர்கிறது; – வாட்டும்உன்

காழ்மொழியும் கூட கனியே; கனல்வீசும்

பாழ்விழியும் கூட பனி! 05

 

ட்ரம்ப் -

 

மண்டை அனல்நான் மறந்து மகிழ்ந்திடவே

பண்டைப் புலவன்போல் பாட்டிசைத்தாய்; – தொண்டைக்குள்

ஊதாங் குழல்வைத்த உன்குரலால் ஆனந்தம்

பூதா கரமாச்சு போ! 06

 

மோடி –

 

அப்படியே காலையில்நான் ஆய்போக விண்ணப்பம்

இப்பொழுது வைத்தால் இசைவீரோ? – தொப்பையினி

வீங்கவழி இல்லா வெருட்டும் குசுநாற்றம்

தாங்கவழி இல்லா த‍தால்! 07

 

ட்ரம்ப் -

 

அக்மார்க் அடிமைநீ யானதனால் கேட்டபடி

தக்க அனுமதி தந்தேன்;உன் – ஒக்கலிலே

சேய்போல் எனது சினத்தைச் சும‍ப்பாயேல்

தாய்போல்காப் பேன்உந் தனை! 08

 சண்டிப் பயலிவன் சத்தியமாய் யாரிடமோ

குண்டி கிழியத்தான் போகின்றான்; – பண்டுலக‍

இட்லரா இல்லை இறுமாப் பதிகமுள்ள

பட்லரா இந்தப் பயல்!?

 

ஏசுவோ அல்லாவோ ஈசனோ யாராச்சும்

பேசுமிவன் வாயைப் பிடுங்காரோ? – லூசுப்

பயலாலே காது படும்பாட்டைச் சொல்ல

முயன்றாலே ஏது முடிவு!?

சீமான் vs ட்ரம்ப்!

சீமான் vs ட்ரம்ப்!

 

செந்தமிழன் சீமான்:-

 

ஹாய்!ட்ரம்ப்! சவுக்கியமா? ஹார்முஸ் அணையில்போர்

போய்நீஇப் போது புரியணுமா? - வாய்கிழிய

இஸ்ரேல் அழைத்தால் எகிறி அடிப்பாயா?

திஸ்ஈஸ்ராங் கான செயல்! 01

 

டோனல்ட் ட்ரம்ப்:-

 

‘சூரனே நீதான்’னான்; ‘சூப்பர் பவர்தான்’னான்;

‘தீரனே தீ வை திரியில்’னான்; - காரணம்

கேட்காமல் போய்க்கெட்டேன்; கேனையன் நானேஎன்

ஆட்சிக்கு வைத்துள்ளேன் ஆப்பு! 02

 

செந்தமிழன் சீமான் :-

 

எண்ணித் துணியும்முன் என்னிடம் கேட்டிருந்தால்

தண்மையாய் உன்னைத் தடுத்திருப்பேன்; – மண்டைக்

கனத்தாலே இன்று களத்தில்பின் வாங்கும்

உனக்கேனோ இம்மாம் உதார்? 03

 

டோனல்ட் ட்ரம்ப் :-

 

இட்லருக்கே புத்தி இயம்பிய உன்னிடத்தில்

‘நட்’கழன்ற தால்கேட்க நான்மறந்தேன்; – நட்புடனே

ஓடிவந்து நின்றால் உதவுவாய் என்றிப்போ

நாடிவந்தேன்; தீர்வொன்றை நல்கு! 04

 

செந்தமிழன் சீமான் :-

 

அண்ணன் இருக்கிறேன் அழுது புலம்பாமல்

கண்துடை இந்தா!என் கைக்குட்டை; – தொண்டைக்குள்

முள்ளானார் முல்லாக்கள்; முள்ளை எடுக்கின்ற

முள்வாங்கி என்வாய் மொழி! 05

 

டோனல்ட் ட்ரம்ப் :-

 

அதட்டினால் அஞ்சும் அரபுலகம்; ஈரான்

அதற்கெலாம் அஞ்சுகிற ஆளா? – குதற்கமாய்ப்

பேசுகிற என்னையவர் பெண்டெடுக் கின்றார்;நான்

வீசுகிற பாமெல்லாம் வேஸ்ட்! 06

 

செந்தமிழன் சீமான் :-

 

மூத்திரச் சந்திலே முட்டாள் உனைமறித்து

ஆத்திரம் தீர அவனடிப்பான்; – சூத்தைநீ

பொத்தியிருந் தாலுண்டா பொல்லாப்பு? கிஞ்சித்தும்

புத்தியிருந் தாலுண்டா போர்!? 07

 

டோனல்ட் ட்ரம்ப் :-

 

வயோதிகனைக் கொன்றால் வழிக்குவரும் என்று

சியோனிசம் சொன்னதால் செய்தேன்; - அயோக்கியன்

என்றென்னை இவ்வுலகம் எள்ளிநகை ஆடுமென்ற

சின்ன அறிவுமின்றிச் சென்று! 08

 

செந்தமிழன் சீமான் :-

 

நாய்,வருக்கி மீதினிலே நப்பாசை வைப்பதொத்த

ஆய்வறிக்கை ஒன்றை அனுப்பினேன்; – வாய்கொழுத்த

வானரம் நீயதனை வாசித் திருந்தாயேல்

ஏனப்பா இந்தப்போர் இன்று!?09

 

டோனல்ட் ட்ரம்ப் :-

 

வாரி இறைக்கின்றார் வான்பரப்பில் ஏவுகணை;

போரின்றி விட்டாலே போதுமெனை; – சாரிசொன்னேன்

மாண்ட கமேனி மகனுக்கு; போர்நிறுத்தம்

வேண்டும் எனப்போய் விளம்பு! 10

 

செந்தமிழன் சீமான் :-

 

ஆமைக் கறிவளர்க்கும் ஆயுள்; உடல்பலத்தைச்

சாமை அரிசி தருவிக்கும்; - ஓமைகாட்!

சீமானிப் போரைச் சிலநொடியில் தீர்த்திடுவேன்

மாமா!நீ உள்ளம் மகிழ்! 11

 

டோனல்ட் ட்ரம்ப் :-

 

கையல்ல காலிது காப்பாத்த வேண்டுகிறேன்;

பொய்யல்ல நெஞ்சம் புழுங்குகிறேன்; – அய்யோ!இப்

போர்ச்செலவால் நாடு புதைகுழியில் வீழும்முன்

சீர்செய்வாய் ஏதேனும் செய்து! 12

நல்லதாய்ப் போச்சு;

நமது திருநாட்டில்

இல்லை வளைகுடாப்போல்

எண்ணெ(ய்)வளம்; - தொல்லைபட

நேர்ந்திருக்கும்; கூச்சல்

நிறைந்திருக்கும்; மேற்குலகம்

சூழ்ந்தெடுத்தி ருக்கும்

சுளுக்கு!