'கண்டு புடிச்சான்
அமெரிக்கா வைக்கொலம்பஸ்'
என்று படிக்கும்
எவன்கேட்டான்? - கொண்டுபோய்
அங்காரும் காணவே
ஆகா வகையினில்
இங்கார் ஒளிச்சுவச்சான்
என்று?
வியாழன், 9 ஏப்ரல், 2026
நாமாய்ப்போய்ச் சொல்வோம்நம் நெஞ்சு!
பூனை கூற்று!
யாரது என்ஆளா?
என்னையெதிர் பார்த்தாளா?
ஓரவிழி நீர்சொரிஞ்சே
ஓஞ்சாளா? – மாரனிட்ட
அம்புக்கே தேஞ்சாளா?
அங்கங்கள் தீஞ்சாளா?
மம்முக்கே மாஞ்சாளா
மாது!?
ஊருக்குப் போறாளா?
உத்தரவு கோராளா?
பேருக்கும் என்னிடம்
பேசாளா? – யாருக்கோ
காத்திருக் கின்றாளா?
கண்கள் எனக்காய்த்தான்
பூத்திருக் கின்றாளா
பூ!?
இங்கமர்ந்து நானிருக்க
என்னையெதிர் பார்க்காமல்
அங்கெ(ன்)னவே டிக்கை
அவளுக்கு? – பொங்கிவரும்
காதலை நான்சொல்ல
காம்பவுண்ட் ஏறிவந்தால்
வேதனைசெய் கின்றாளே
வீற்று!
சிறுக்கிமகள் நெஞ்சைச்
திருடிவிட யாரும்
குறுக்குவழி வந்துவிடக்
கூடும் – பொறுத்திருந்து
ஏமாந்து போக
இனியும் தயாரில்லை
நாமாய்போல் சொல்வோம்நம்
நெஞ்சு!
திங்கள், 6 ஏப்ரல், 2026
ஞாயிறு, 5 ஏப்ரல், 2026
ஹார்முஸ் திறப்பு!
ட்ரம்ப் கூற்று:-
இன்றிரவு எட்டுமுதல் எட்டரைக்குள்
ஹார்முஸை
நின்று தனித்தே நெருங்கவுள்ளேன்; – சென்று
திறக்கவுள்ளேன்; கோப்பை
நிரப்பவுள்ளேன்; மீண்டும்
பிறக்கவுள்ளேன் உண்டுகளிப் பெய்து! 01
திறப்பு விழாநடக்கும் செய்தி அறிந்தோர்
மறக்காமல் ஓடி வருக; – உறங்காமல்
பெக்குகளை ஊற்றிப் பெருமைகளைச்
சாற்றிடலாம்
கிக்குகளை ஏற்றிமெனக் கிட்டு! 02
பத்துவகை காரசார பண்டங்கள் வாங்கிவைத்துக்
‘கெத்’துடனே
நான்விரும்பிக் கேட்டாலே – பொத்தென்று
பொங்கி வழியாதோ போத்தல்? சரசரவென்(று)
அங்கு முடியாதோ ஆஃப்!? 03
நான்திறந்த பின்னாடி நான்குரவுண் டுள்ளோடி
வான்பறக்க என்னையுந்தான் வைக்காதா? - பான்படத்தில்
நான்நடிக்க லாகாதா? நாகரீக மாகாதா?
ஃபேன்கூட்டம் கூடாதா பின்பு!? 04
எஃப்டின்பைல்ஸ் போலே எனைவாட்டும் ஹார்முஸை
லெஃப்ட்ரைட்வாங் காதுவிடேன் லேசினிலே; - கிஃப்ட்டாக
கார்க்தீவைக் கைப்பற்றிக் கச்சா*
எடுத்துவிற்றுப்
போர்ச்செலவை ஈடுசெய்வேன் போய்! 05
நேட்டோ* இருந்தென்ன? நேற்றுவரை
என்கையில்
வீட்டோ* இருந்தென்ன? விள்வதெனில் –
பேட்டா
செருப்பவைஎன் கால்களுக்கு; தேடிவைத்த ஐநா
பொருப்பவை*என் காலுறைகள் போ! 06
நாலணா வாயனென்பேன்; நானே
எனைப்பார்த்துக்
காலணா ஈயாத கஞ்சனென்பேன்; – மேலணா
டாலரில் தந்தெனது டிக்கியில் முத்தமிடக்
காலமெலாம் காத்திருக்கு கல்ஃப்!* 07
ஈரான் எதிர்க்குமென்று இஸ்ரேல் பயப்படலாம்;
பேராபத் தெண்ணிஅரப்* பேதுறலாம்; – நேராய்இக்
ஹார்முஸை நான்திறக்கக் கண்ணில் பயமில்லை
Barமிசைஎன் தைரியத்தைப் பார்! 08
ரிஸ்கியென எண்ணுதல்என் ரேஞ்சுக் கழகில்லை
பஸ்கி எடுக்கும் பயில்வான்நான்; – விஸ்கியைப்
போட்டடுத்த ஹார்முஸ் பொளந்தெடுப்பேன்; ஆபிரகாம்*
Boatடெடுத்(து) ஓட்டிக்கொண்டு போய்! 09
கண்ணாடி முன்னாடி கண்டிப்பாய் நான்நின்று
திண்டாடி மன்றாடித் தேவையின்றிக் கொண்டாடி
ஏட்டிலே நாட்டிலே ஈரானோ டின்றைக்கு
டேட்டிலே போடணுமோர் டீல்! 10
சொற்பொருள் –
கச்சா – பெட்ரோலிய மூலப்பொருள். நேட்டோ – அமெரிக்காவின் போர்ப்படைக் கூட்டாளிகளின் அமைப்பு. வீட்டோ – இதனைக்கொண்டு ஐநாவில் கொண்டுவரப்படும் எந்த தீர்மானத்தையும் இவ்வதிகாரத்தைக் கொண்டு இல்லாமல் செய்துவிடலாம். (அமெரிக்கா ரஷ்யா சீனா போன்ற சிலநாடுகளின் கைகளில் மட்டுமே இவ்வதிகாரம் உள்ளது). பொருப்பவை – பொருப்பான சபை. கல்ஃப் – வளைகுடா. அரப் – அரேபியர்கள். ஆபிரகாம் – உலகின் மிகப்பெரிய அமெரிக்கப் போர்க்கப்பல்.
சனி, 4 ஏப்ரல், 2026
என் பாட்டு!
பசித்த வயிற்றுடன் பாமர மக்கள்
நசிந்து நசிந்துருகும் நாளில் - புசிக்கப்
பழச்சாறோ பாகோ பசும்பாலோ அல்ல
பழங்கஞ்சி ஆகுமென் பாட்டு!
எனது கவிதை...
எனது கவிதை இடுப்புக்கு வேட்டி;
தனதென் றணிகிற சட்டை; - மனதுக்கு
நாளும் இதம்தரும் நல்லதோர் உள்ளாடை;
தோளுக் கிடுகிற துண்டு!
வெள்ளி, 3 ஏப்ரல், 2026
இதழுக்கு மேலிரண்டு இச்!
இம்மாம் குறுஞ்செய்தி ஏன்தான் அனுப்புகிறாய்?
சும்மாகை காலைச் சுருட்டிவை; – அம்மாவின்
காய்ச்சல் தணிந்த கணமேநான் அங்கிருப்பேன்
போய்ப்படுப்பாய் இந்தஇராப் போது!
எதிர்வீட்டுப் பார்வதியை ஏறெடுத்துப்
பார்க்க
அதிகாலை வாசலின் அண்டைக் – கதிரை
எடுத்திட்டுக் குந்தி இலித்தாயேல் வந்து
நடுமண்டை யில்வைப்பேன் நங்!
சம்பளம் தந்துவிட்டேன்; சஞ்சாயம் செய்துவிட்டேன்;
நம்மாலே ஏலுவதை நல்கிவிட்டேன்; – நம்பாமல்
அங்கவள் வேலைபற்றி அங்கலாய்த்துத்
தூதுவிடாய்
ரிங்டோனில் வேலைக்கா ரிக்கு!
பூக்காரி முன்னாலே புன்னகைத்தால், வீடுவரும்
பாற்காரி முன்னாலே பல்லிளித்தால், – காய்க்காரி
கண்டவுடன் கண்ணடித்தால் கண்டபடி
ஜொள்வடித்தால்
தண்டனை உண்டுந் தனுக்கு!
போரடித்தால் கூலிங்காய்ப் போய்வாங்கி
வந்துநீ
பீரடித்தாய் என்றறிந்தால் பிய்த்திடுவேன்; – நேரத்தில்
தூங்கி எழவேண்டும்; தூங்காமல் பான்படம்பார்த்(து)
ஏங்கிவிழ வேண்டாம் இளைத்து!
பார்வையில் நன்றாய்ப் படுமாறே உன்பொருளை
நேர்வைத்து விட்டுத்தான் நேற்றுவந்தேன் – பேர்பொறித்த
ஜட்டியைத் தேடுகிற சாக்கில் துணிகளைக்
கட்டிலில்போ டாதே கலைத்து!
தாய்வீட்டில் ரெண்டுநாள் தங்க முடிகிறதா?
ஓய்வொழிச்சல் அற்றிருக்க ஆகிறதா? – காய்ந்து
வதங்காதே நாளைநான் வந்தவுடன் வைப்பேன்
இதழுக்கு மேலிரண்டு இச்!
காய்க்காறி பாற்காரி கண்படுவே லைக்காரி
பூக்காரி எதிர்வீட்டான் பொண்டாட்டி -
நோக்குகிறேன்
பல்லோரை! யாருமென்றன் பத்தினியின்
கால்தூசி
இல்லையீ டென்றே இணைத்து!
அகரம் அமுதன்
தத்தைபோல் பெண்டாட்டி தாவும் குரங்குபோல்
மெத்தைக்கு வைப்பாட்டி மேதினியில் – பத்திலிரு
பேருக்கு வாய்ப்பதெல்லாம் பேரிறைவன் ஈவது;வே
றாருக் கமையும் இவை!?
வியாழன், 2 ஏப்ரல், 2026
புதன், 1 ஏப்ரல், 2026
18 டிசம்பர், 2016
வேய்த்தோள்; விரல்முருங்கை; விஞ்சு தொடைவாழை;
வாய்த்த இடைநாணல்; மார்தென்னை; -ஆய்ந்திடுங்கால்
சேலை உடுத்திய தேக்கே உடலெனில்இப்
பாலைக்குள் சோலையைப் பார்!
பாலை - பதினாறகவை உடைய பெண்.
16 டிசம்பர், 2016
கட்டு மரம்மீண்டும்
'காவேரி' சென்றுளது;
சட்டென ஏமா!
எருமையில்வா! - விட்டுவிடா(து)
'அப்போலோ' போலவக்
'காவேரி' உன்நகலென்(று)
இப்போது காட்ட
எழு!
இதற்கு குழுசேர்:
கருத்துகள் (Atom)