நான்!

துன்பங்கள் யார்படினும்

துடிக்கின்றவன்; - பிறர்

கண்ணீரைக் கவிதையாய்

வடிக்கின்றவன்!

கொடுமைகட் கறம்பாடி

முடிக்கின்றவன்; - அதன்

குரல்வளை நெரித்துயிர்

குடிக்கின்றவன்!

வன்முறை யார்செயினும்

வெடிக்கின்றவன்; - அந்தப்

புன்முறை போய்மாளப்

பொடிக்கின்றவன்!

பெயருக்கா எழுதுகோல்

பிடிக்கின்றவன்? - என்றன்

எழுத்தாலே இனப்பகை

இடிக்கின்றவன்!

எல்லா உணர்ச்சிகளும்:

5Melappalayam S. Mani, Siva Raman Sreeramsiva மற்றும் 3 பேர்

 உண்டு பசிபோக்க ஓரா யிரம்சுவைகள்

கண்டு சமைத்தங்குக் காணழகாய்ப்-பெண்ணணங்கின்

வாயமுதம் போலும் வழங்குசுவை வேறுண்டா?

நீயறிந்தால் சொல்க நிமிர்ந்து!

எல்லா உணர்ச்சிகளும்:

6Siva Raman Sreeramsiva, பாவலர் அபி சத்தி மற்றும் 4 பேர்

 அஞ்சில் வளைதல் அழகாம்; வறுமைஇப்

பிஞ்சை வருத்தல் பிழையன்றோ? -நஞ்சே

உருவான மாந்தர் உதவாத போதும்

உருகாத தென்னோ உளம்!

எல்லா உணர்ச்சிகளும்:

11ஜாய் சத்தியா, Melappalayam S. Mani மற்றும் 9 பேர்

 சேர்ந்த இடந்தனைச்

செல்லாத காசாக்கல்

கூர்த்தமதி வைகோவின்

கோளாகும்; - பார்த்தன்று

நல்விஜய காந்தை

நசுக்கிச் செயல்தலையை

இல்லையென் றாக்கினார்

இன்று!

விருப்பம்

கருத்திடுக

அனுப்புக

பகிர்க

 A.T. Varatharajan

புக்கும் மரணத்தைப் போய்வர வேற்றுகண்

சொக்குந்தூக் கத்தைச் சுவையாக்கித் -- துக்கக்

களையெடுக்கப் பற்றி கருகியே தொற்றி

விளையாடும் ஆறா விரல்.

அகரம் அமுதன்

ஊதுவதில் உள்ளம்

உவப்பவனே! ஏமனவன்

தூதுவனாம் வெண்சுருள்

தூக்கியெறி; - தீதுணர்ந்தும்

பற்றுவைக்கும் உன்னுள்

பலநாள் மறைந்திருந்து

புற்றுவைக்கு மன்றோ

புகை!!!

A.T. Varatharajan:-

பற்றி எரிந்துப் பழகும் பொழுதெல்லாம்

கற்றதினும் மேலோங்கும் கற்பனைகள் -- கற்றகவிக்

கோவாக்கும் செந்தமிழைக் கோர்த்தே அணிசேர்த்துப்

பாவாக்கும் இந்தப் புகை.

அகரம் அமுதன்:-

சட்டியில் உள்ளதுதான்

சட்டுவத்தில் என்றுணர்ந்து

விட்டொழிக்க வேண்டுமடா

வெண்சுருளை; - மட்டின்றிக்

கற்பனைகள் மேவுவதாய்க்

காதோரம் பூச்சுற்றல்

விற்பனனில் வேலையோ?

விள்!

 பெட்டைக்குப் போர்புரியப்

பேராவல்; நைந்தகூ

முட்டைக்குக் குஞ்சீன

மோகம்;நாய் - விட்டைக்குப்

பூசுணைப் பூசுமக்கப்

புந்தி; இவைநேராம்

கூசுதலில் லா'ரஜினி'

கூற்று!

விருப்பம்

கருத்திடுக

அனுப்புக

பகிர்க