மாமன் வந்தான்!

ஆண்:- ஏற்றிய நெய்விளக் கெரிகிற வேளையில்

 காமன் வந்தான் –என்னைக்

 காண வந்தான்

பெண்:- வந்த

 காமனும் கைத்திறன் காட்டிய வேளையில்

 மாமன் வந்தான் –நடு

 சாமம் வந்தான்

ஆண்:- விடச்சொல்லிக் கேட்குது சின்னஇடை –வந்து

       தொடச்சொல்லித் தூண்டுது அன்னநடை

பெண்:- தடைசொல்லப் பார்க்குது நெஞ்சுக்குழி –முத்தம்

       இடச்சொல்லிக் கேட்குது கன்னக்குழி

(ஏற்றிய…)

பெண்:- உன்னிடம் தந்தது ஓரளவு –இன்னும்

       உள்ளது என்னிடம் ஊரளவு

ஆண்:- அத்தனை யும்எனக் குரிமையடி –மெல்ல

       அள்ளிட நாணுது இளையகொடி

(ஏற்றிய…)