கட்டித் தயிரே! கனியூறும் தேன்சாறே!
எட்டுத் திசையாளும் இன்தமிழே! -சொட்டும்
சுவைத்தேனே! உன்னைச் சுவைத்தேனே! அள்ளி
அமைத்தேனே பாட்டில் அறி!
சொற்சிலம்பம் ஆடத் துணிந்தேன் புடம்போட்ட
பொற்சிலம்பம் போன்றவளே பூத்துவா! -மற்சிலம்பம்
ஆடிப் பகைவளர்க்கும் ஆசை எனக்கில்லை
பாடித் தமிழ்வளர்ப்பேன் பார்!
அடுத்தோர் பிறப்பென்றால் அங்குமுன் சேயாய்
மடிதோன்றி வாழ்வேன் வடிவே! -நொடிப்போழ்தும்
என்னைநீ நீங்கினால் இன்னுயிர் நீத்திடுவேன்
பொன்னே! தமிழே! புரி!
உச்சி முகர்ந்தெனக் கோரா யிரமாய்நல்
இச்சுத்தா தாயே! இசைத்தமிழே! இச்சகத்தை
ஆளப் பிறந்தவுன்னை ஆளத் துணிந்திட்டேன்
கோளெனவும் கொண்டேன் குறி!
அமுதெனவே ஆனவளே! அன்னாய்!உன் சேய்நான்
அமுதன் எனும்பேர்கொண் டார்த்தேன்! -குமுகாயம்
காணயெனைக் கையோடு கூட்டிப்போய்க் காட்டம்மா!
பேணுகிறேன் உன்னை பெரிது!
அகரம்.அமுதா
அமுதா! வாழ்த்துக்கள். முதல் பரிசில் வியப்பு ஏதும் இல்லை. உங்கள் புலமைக்கு நீங்கள் அடுத்த முறையிலிருந்து நடுவராக வேண்டும்.
பதிலளிநீக்குஅனுஜன்யா
வாழ்த்துகளுக்கு மிக்க நன்றி அனுஜன்யா அவர்களே! நீங்க ஒரு வெண்பா போட்டி நடத்துங்களேன் நான் நடுவராய் இருக்கிறேன்.
பதிலளிநீக்கு//
பதிலளிநீக்குசொற்சிலம்பம் ஆடத் துணிந்தேன் புடம்போட்டப்
பொற்சிலம்பம் போன்றவளே பூத்துவா! -மற்சிலம்பம்
ஆடிப் பகைவளர்க்கும் ஆசை எனக்கில்லை
பாடித் தமிழ்வளர்ப்பேன் பார்!
//
நான் மிகவும் சுவைத்த வரிகள்.
நன்றி ஒளியவன் அவர்களே!
பதிலளிநீக்குcool blog
பதிலளிநீக்குநன்றிகள்
பதிலளிநீக்கு