பாத்தென்றல் என்னாசான் பஞ்சடிகள் போற்றியென்
பாத்திறத்தைக் காட்டுகிறேன் பாவலர்முன் -மூத்த
மொழியென்ற பேர்விளங்கும் முத்தமிழே! தாயே!
குழவி எனையெடுத்துக் கொஞ்சு!
கோடிப் புலவருள் கோமகளே! என்னைநீ
தேடிக் களைப்புறச் செய்வேனோ? –நாடியெனை
கோத்தள்ளிக் கொஞ்சக் குறிப்பொன் றுரைப்பதெனில்
பாத்தென்றல் மாணாக்கன் பார்!
அகரம்.அமுதா
கருத்துகள் இல்லை:
கருத்துரையிடுக